විදේශගතව සැඟවී සිටින ප්රකට මත්ද්රව්ය ජාවාරම්කරුවෙකු වන ‘කොණ්ඩ රංජි’ නමැත්තා සමග එක්ව මහා පරිමාණ මත්කුඩු ජාලයක් මෙහෙයවූ බවට චෝදනා එල්ල වී ඇති බස්නාහිර පළාත් උතුරු දිසා අපරාධ කොට්ඨාසයට අනුයුක්තව සේවය කළ පොලිස් කොස්තාපල්වරයෙකු මේ වන විට ශ්රී ලංකාවෙන් පලා ගොස් තිබේ. අදාළ කොට්ඨාසයේ ඉහළ පෙළේ පොලිස් නිලධාරියෙකුගේ දැඩි විශ්වාසය දිනාගත් නිලධාරියෙකු ලෙස පෙනී සිටිමින් මෙම කොස්තාපල්වරයා කාලයක පටන් මෙම මත්ද්රව්ය ජාවාරමට සම්බන්ධ වී ඇති බවට පොලිස් විමර්ශන මගින් මේ වන විට තහවුරු කරගෙන ඇත.
