1969 වසරේදී ඇපලෝ 11 චන්ද්ර මෙහෙයුම අතරතුර නීල් ආම්ස්ට්රෝං සහ බස් ඕල්ඩ්රින් සඳ මත සදහටම සිරවීමෙන් ගලවා ගත් ඓතිහාසික ෆෙල්ට්-ටිප් පෑන (felt-tip pen) නිව්යෝර්ක් නුවර සදබීස් (Sotheby’s) වෙන්දේසියේදී ඇමෙරිකානු ඩොලර් 857,600කට අලෙවි වී තිබේ. ඩොලර් 800,000ත් මිලියන 1.2ත් අතර මිලකට අලෙවි වනු ඇතැයි අපේක්ෂා කළ මෙම පෑන සහ කැඩී ගිය විදුලි පරිපථ ස්විචයක කොටසක් මෙලෙස වෙන්දේසි කෙරුණු අතර, ලංසු තබන්නන් පස් දෙනෙකුගේ දැඩි තරගයකින් අනතුරුව ජයග්රාහකයා විසින් එය මිලදී ගෙන ඇත.
