පූජ්‍ය ගලිගමුවේ ඥානදීප හිමියන්ගේ ධර්ම දේශනා ප්‍රචාරය අත්හිටුවන්නැයි පුද්ගලික ගුවන්විදුලි නාලිකාවකට ලියුමක්
පූජ්‍ය ගලිගමුවේ ඥානදීප හිමියන්ගේ ධර්ම දේශනා ප්‍රචාරය අත්හිටුවන්නැයි පුද්ගලික ගුවන්විදුලි නාලිකාවකට ලියුමක්👈
⚡⚡⚡චෝදනාවලට ලක්ව ඇති ප්‍රකට ධර්මදේශකයානන් වහන්සේ නමක්වන පූජ්‍ය ගලිගමුවේ ඥානදීප ස්වාමීන් වහන්සේගේ ධර්ම දේශනා ප්‍රචාරය කිරීම වහාම අත්හිටුවන ලෙස ඉල්ලා ජන අරගලයේ පුරවැසියෝ නමැති සංවිධානය විසින්
මෙරට ප්‍රධාන පෙලේ පුද්ගලික රේඩියෝ නාලිකාවේ ප්‍රධාන විධායක නිලධාරී වෙත ලිපියක් යොමු කර තිබේ.
මෙම ඉල්ලීම 2016 අංක 12 දරණ තොරතුරු දැනගැනීමේ අයිතිවාසිකම් පනත ප්‍රකාරව කර ඇති බව සඳහන්ය.
ලිපියේ ප්‍රධාන කරුණු ලෙස දැක්වෙන්නේ:
🔴ගලිගමුවේ ඥානදීප හිමියන්ට විරුද්ධව අපරාධ පරීක්ෂණ දෙපාර්තමේන්තුව, ආගමික කටයුතු අමාත්‍යාංශය, සහ බෞද්ධ කටයුතු දෙපාර්තමේන්තුව වැනි ආයතන මුල් කරගෙන විවිධ සංවිධාන විසින් චෝදනා සහ පැමිණිලි ඉදිරිපත් කර තිබීම.
🔴උන්වහන්සේට එල්ල වී ඇති චෝදනා අතර, මත්ද්‍රව්‍ය ළඟ තබා ගැනීමේ චෝදනාවට අත්අඩංගුවට පත් වූ ගනේකන්දේ චන්ද්‍රරතන හිමියන් සමඟ සම්බන්ධතා පැවැත්වූ බවට වන චෝදනාව මෙන්ම, බෞද්ධ සැදැහැවතුන් පරිත්‍යාග කළ මුදල් අනීතික ලෙස භාවිත කරමින් ව්‍යාපාර පවත්වාගෙන ගිය බවට වන චෝදනා ද වේ.
🔴තවද, බොහෝ චෝදනා එල්ල වන මොහොතක උන්වහන්සේ මෙරටින් පිටව ගොස් වෙනත් රටක වැඩ වසන බව සංවිධානය විසින් පෙන්වා දී තිබේ.
🔴මෙම චෝදනා පවතිද්දී ධර්ම දේශනා සඳහා දායකත්වය ලබා ගනිමින් මූල්‍ය ගනුදෙනු සිදු කිරීම මාධ්‍ය සදාචාරය අනුව යහපත් නොවන බවට සංවිධානය ප්‍රශ්න කරයි.
🔴ගනේකන්දේ චන්ද්‍රරතන හිමියන්ගේ සහ ගලබොඩඅත්තේ ඥානසාර හිමියන්ගේ දේශනා පවා සමාජ විරෝධයක් පැවති අවස්ථාවල අත්හිටවූ බවද ඔවුන් සිහිපත් කරයි.
මීට අමතරව ජන අරගලයේ පුරවැසියෝ සංවිධානය විසින් තොරතුරු දැනගැනීමේ අයිතිවාසිකම් පනත යටතේ බක්කුල සෑය නිර්මාණය කිරීමේදී ජනතා ආධාර ලබාගැනීමට අදාළ ගුවන්විදුලි නාලිකාව ලබා දුන් දායකත්වය පිළිබඳ සවිස්තරාත්මක තොරතුරු ඉල්ලා තිබේ.
විශේෂයෙන්ම, ඔවුන් ඉල්ලා ඇති තොරතුරු අතර:
🔴බක්කුල සෑය නිර්මාණයට ආධාර ඉල්ලා ප්‍රචාරණය කළ ආරම්භක දිනය.
🔴එම ප්‍රචාරණ කටයුතු ආරම්භක දිනයේ සිට අවසන් කිරීම දක්වා වූ කාලසීමාව (වර්ෂය, මාසය, දින වකවානුව).
මෙම කරුණු සම්බන්ධයෙන් අවධානය යොමු කර නොපමාව දැනුම් දෙන ලෙසද ජන අරගලයේ පුරවැසියෝ සංවිධානය ඉල්ලා තිබේ.