පකිස්ථානයේ බලපැවැත්වෙන මෝසම් කාලගුණය හේතුවෙන් ජාතික මට්ටමින් මියගිය සංඛ්‍යාව 271 දක්වා ඉහළ ගොස් තිබේ. පකිස්ථානයේ ජාතික ආපදා කළමනාකරණ අධිකාරිය (NDMA) නිවේදනය කළේ ගතවූ පැය 24 තුළ වර්ෂාව සහ ගංවතුර ආශ්‍රිත සිදුවීම්වලින් තවත් පුද්ගලයන් හය දෙනෙකු මියගොස් 22 දෙනෙකු තුවාල ලබා ඇති බවයි. එම මරණ පන්ජාබ් සහ බලුකිස්ථාන් පළාත්වලින් වාර්තා වී ඇති අතර, ගංවතුර හේතුවෙන් නිවෙස්වල වහලවල් කඩාවැටීම් සහ දියේ ගිලීම් ඊට හේතු වී ඇත.
