කොළඹ නව මැගසින් බන්ධනාගාරයේ සිටින මත්ද්රව්ය චෝදනා ලැබූ රැඳවූවන් හයදෙනෙකු පල්ලන්සේන කඳවුර වෙත මාරු කිරීමට බන්ධනාගාර පාලනාධිකාරිය ගත් තීරණයකට එරෙහිව එම රැඳවූවන් පිරිස උග්ර විරෝධතාවයක නිරත වී තිබේ. එහිදී රැඳවූවන් පස්දෙනෙකු තියුණු ආයුධයකින් කැපුම් තුවාල සිදු කරගනිමින් ස්වයං හානි කරගෙන ඇති අතර, ඉතිරි රැඳවියා බන්ධනාගාර පරිශ්රයේ පිහිටි බෝ ගසකට නැඟී තම විරෝධය පළ කර ඇත.
