හිටපු ඇමැතිනි චන්ද්රානි දේශපාලන හිතවතුන්ට පත්වීම් දෙන්න බලපෑම් කළා – හිටපු ලේකම්වරිය උසාවියේදී කියයි
යහපාලන රජය සමයේදී කාන්තා හා ළමා කටයුතු සහ වියළි කලාප සංවර්ධන අමාත්යවරිය ලෙස කටයුතු කළ චන්ද්රානි බණ්ඩාර මහත්මිය විසින් තම දේශපාලන හිතවතුන් පිරිසකට රැකියා ලබා දීම සඳහා රාජ්ය බඳවා ගැනීමේ පටිපාටිය උල්ලංඝනය කරන ලෙස තමන්ට දැඩි ලෙස බලපෑම් කළ බව එම අමාත්යාංශයේ හිටපු ලේකම්වරිය අධිකරණය හමුවේ අනාවරණය කළාය. හිටපු ලේකම් දර්ශනා සේනානායක මහත්මිය මේ බව ප්රකාශ කළේ පසුගිය 05 වැනිදා කොළඹ මහාධිකරණ විනිසුරු රවින්ද්ර ප්රේමරත්න මහතා ඉදිරියේ සාක්ෂි ලබා දෙමිනි.
