අකුරේගොඩ ඝාතන සැලසුම ඩුබායි ‘ටුටූ’ගේ – Rent A Car සමාගමේ GPS නිසා සහෝදරයින් කොටුවූ හැටි
පසුගිය 13 වැනිදා සිකුරාදා දහවල් අකුරේගොඩ ප්රදේශයේ පිහිටි සුපිරි වෙළඳසැල් රථගාලකදී නීතිඥ බුද්ධික මල්ලවආරච්චි සහ ඔහුගේ බිරිඳ වන නිසංසලා වෙල්ලාලආරච්චි යන මහත්ම මහත්මීන් ටී-56 ගිනි අවියකින් සහ මිලිමීටර් 9 වර්ගයේ පිස්තෝලයකින් වෙඩි තබා ඝාතනය කිරීමේ සිද්ධිය සම්බන්ධයෙන් මේ වන විට පුළුල් විමර්ශන ක්රියාත්මක වේ. අපරාධ පරීක්ෂණ දෙපාර්තමේන්තුව සහ නියෝජ්ය පොලිස්පති ශාමත් විජේසේකර මහතාගේ මෙහෙයවීම යටතේ ක්රියාත්මක බස්නාහිර පළාත් දකුණු අපරාධ විමර්ශන කොට්ඨාසය එක්ව මෙම මෙහෙයුම් දියත් කර ඇති අතර, ඝාතකයින් පැමිණි සහ පලාගිය මාර්ගයන් සීසීටීවී දර්ශන ඔස්සේ මේ වන විටත් පරීක්ෂාවට ලක් කර ඇත.
