පශ්චාත් උපාධි පාඨමාලා හැදෑරීම සඳහා විදේශගතව එලෙසම රැඳී සිටිමින් රජය සමඟ එළැඹි බැඳුම්කර ගිවිසුම් උල්ලංඝනය කළ වෛද්යවරුන් හත්සිය පස්දෙනකුගෙන් රජයට අයවිය යුතු රුපියල් කෝටි දෙසීයකට ආසන්න මුදලක් මෙතෙක් අයකර ගැනීමට නොහැකි වී ඇති බව ජාතික විගණන කාර්යාලය අනාවරණය කරයි. මෙම විශාල මුදල නැවත අයකර ගැනීම සඳහා අදාළ අංශවල වගකිවයුතු නිලධාරීන් නිසි කාර්යක්ෂමතාවකින් සහ වගකීමකින් යුතුව කටයුතු කර නොමැති බව එම කාර්යාලය නිකුත් කළ නවතම වාර්තාවක දැඩිව පෙන්වා දී තිබේ.
