මේ ඇප් එකක් නිසා හයර් අඩුවට පිටයනවා රටට ඩොලර් හොයල දෙන්න අපට විදිහක් නෑ – වැලිගම ත්රීරෝද හිමියෝ
PickMe සහ Uber වැනි ජංගම යෙදුම් තාක්ෂණය ඔස්සේ ක්රියාත්මක වන ප්රවාහන සේවා සපයන රියදුරන්ගේ ක්රියාකලාපය සම්බන්ධයෙන් වැලිගම ප්රදේශයේ සාම්ප්රදායික ත්රීරෝද රථ රියදුරන් දැඩි විරෝධයක් පළ කර සිටින අතර, මෙම ගැටලුව හේතුවෙන් ප්රදේශයේ රියදුරන් අතර නොසන්සුන්කාරී තත්ත්වයක් නිර්මාණය වී තිබේ. මොවුන් චෝදනා කරන්නේ පිටතින් පැමිණෙන මෙම යෙදුම් භාවිත කරන රියදුරන්, තමන් සාම්ප්රදායිකව රැඳී සිටින රථ ගාල් වෙතම පැමිණ විවිධ බලපෑම් සිදු කරමින් සහ බලහත්කාරී ලෙස විදේශීය සංචාරකයින් ප්රවාහනය කිරීමට කටයුතු කරන බවයි.
