පසුගියදා පැවති ජනතා අරගලයෙන් පසු මැඩගස්කරයේ හමුදා කුමන්ත්‍රණ නායක කර්නල් මයිකල් රන්ද්‍රියනිරිනා මහතා සඳුදා දිනයේදී එරට නව අග්‍රාමාත්‍යවරයා ලෙස ව්‍යාපාරිකයෙකු වන හෙරින්තසලාමා රාජෝනාරිවෙලෝ මහතා පත් කර තිබේ. පසුගිය සිකුරාදා ජනාධිපති ලෙස දිවුරුම් දුන් රන්ද්‍රියනිරිනා, මීට දින කිහිපයකට පෙර බලය අල්ලා ගත්තේ තරුණයින් විසින් මෙහෙයවන ලද දැවැන්ත විරෝධතා මාලාවක් හේතුවෙන් පෙර සිටි නායකයාට ධුරය හැර යාමට සිදු වීමෙන් අනතුරුවය.
