මිනිස්සුන්ට උදව් කරන මුවාවෙන් මහා පරිමාණයෙන් මුදල් හා වෙනත් බඩු බාහිර ආදිය එක් රැස් කරන ව්‍යාපාරයක් හොරණ ප්‍රදේශයේ මොහුට තියෙනවා. මෙම චීවරධාරියා විසින් එම ස්ථානයට ලැබෙන බඩුබාහිර ආදියෙන් කොටසක් පමණක් මිනිසුන්ට ප්‍රසිද්ධියේ බෙදා දීමේ නාට්‍යය රංගනයක යෙදී සිටියද ඒයින් වැඩි කොටසක් මෙම චීවරධාරියාගේ රියදුරු ලවා විකිණීම කරවනවා. ප්‍රශ්නය තියෙන්නේ ලැබෙන මුදල් වලට සිදුවන්නේ කුමක්ද? 

මෙම භික්ෂුවට අයත් හොරණ පිහිටි ආයතනයට ලැබෙන පිරිකර ඇත්තටම මොකද කරන්නේ? 

අපට ලැබී ඇති තොරතුරු ඔස්සේ කල සොයා බැලීමට අනුව දැනගන්නට ලැබුණේ හොරණ ප්‍රදේශයේ ව්‍යාපාරයක් ලෙස ටීවී නාලිකාවක් පවත්වාගෙන යන මෙම ව්‍යාපාරික භික්ෂුව පන්සලත් චෛත්‍යත් මුවාවෙන් ඉතා සූක්ෂම ලෙස මිනිසුන්ගේන් මුදල් ගරන ව්‍යාපාරයක් පවත්වාගෙන යන බවයි. මෙම ස්ථානයට ගිය අපට එහි සිටින සේවකයන් සමඟ කතා කිරීමේන් පසුව අවබෝධ වුණේ ඔවුන් විසින් විවිධ කාරණා පෙන්වා දෙමින් මේ, මේ කාරණා සඳහා ඔබට මුදලින් දායකත්වය ලබාගත හැකි බව කියමින් මිනිසුනව මුදල් පූජා කිරීමට පොළඹවන ස්වභාවයක්ය.

ඒ අතර අලුතින් ඉදිවන බෝසත් පිළිමය, සෝලර් පවර්, දානය සඳහා වියළි ආහාර ගැනීමට,( ඔබට වියළි ආහාරද ලබා දිය හැකිය). දහවල් දානය, උදේ දානය, ගිලන්පස පූජාව, ඖෂධ පූජාව, චෛත්‍යයට පිංතාරුව සඳහා , තවද දායකත්ව ධර්ම දේශනා වගේ බොහෝ කරුණු එහි තිබුණහ. තවද ඔබ පූජා කරන මුදල සැලකිය යුතු ප්‍රමාණයේ විශාල මුදලක් නම් ඔබට මේ සංඝයා වහන්සේව මුණගැසී අතටම පූජා කිරීමේ VIP ක්‍රමයක්ද තිබීම විශේෂත්වයක් විය. තවද ඔබ පිටරටක සිට පැමිණි අයෙක් නම් මාසික දායකත්වයක් ගෙන එම මුදල් මෙම ව්‍යාපාර භික්ෂුවගේ පෞද්ගලික ගිණුමට සෘජුවම බැර කිරීමට පිළිවන් බව ඔවුන් තවදුරටත් දැනුවත් කර සිටියේය. 

එතකොට මෙම භික්ෂුව ඇත්තටම මේ හම්බෙන දේවල් මිනිස්සුන්ට දෙන්නේ නැද්ද?

සමාජයට පේන්නට මහා පරිමාණයෙන් උත්සව සංවිධානය කරමින් මිනිසුන් පූජා කරන රෝද පුටු අත්වාරු වියළි ආහාර වලින් කොටසක් පමණක් මෙම ව්‍යාපාරයේ පැවැත්ම වෙනුවෙන් මොහු විසින් මිනිසුන් වෙත බෙදා දීමට කටයුතු කරමින් එයින් ලැබෙන අනෙකුත් මුදල් සහ පිරිකර රහසේම විකිණීමට කටයුතු කරනවා.. මෙම ආයතනයට කොපමණ මුදල් ලැබෙනවාද? කොපමණ රෝද පුටු ලැබෙනවාද? අත්වාරු ලැබෙනවාද? වියළි ආහාර ලැබෙනවාද? කොපමණ අතිරික්තයක් විනාශ වෙනවාද? යන්න පිළිබඳව කිසිදු තැනක විනිවිද භාවයක් නොමැත. මුල් කාලයේදී මේ ලැබෙන බඩු බාහිර ආදිය පිළිබඳව විනිවිද භාවයක් තිබුණද මේ වන විට ඒ පැත්ත පළාතකටවත් මිනිසුන්ට යා නොහැකි පරිදි ඒවා සඟවාගෙන මොහු විසින් මොහුගේ මිටි රියදුරු ලවා විකිණීමට කටයුතු කර ඇත. මේවා ගැනුම්කරුවෙක් ලෙස ආතාවූද නම් වූ තැනැත්තෙක් සිටි. ඒ පිළිබඳව අපි වැඩි විස්තර ඉදිරියේදී කතා කරමු.

මෙම භික්ෂු විසින් කරගෙන යන මහා පරිමාණයේ ව්‍යාපාරය සහ මිනිසුන්ගේ මුදල් අවභාවිතා කිරීම සම්බන්ධයෙන් අපරාධ පරීක්ෂණ දෙපාර්තමේන්තුවට කරන ලද පැමිණිල්ල ක් පහත පින්තූරියෙන්.

විශාල වශයෙන් දිනපතා මෙම ව්‍යාපාරික ස්ථානයට ලැබෙන අටපිරිකර, වියළිය ආහාර, රෝද පුටු අත්වාරු, එදිනෙදා ජීවිතයේ භාවිතයට ගන්නා බොහෝ බඩු බාහිර වැඩි කොටසක් මෙම භික්ෂුවගේ මිටි රියැදුරු විසින් විකිණීම කරන අතර එය ඔහුගේ ව්‍යාපාරයක් බවට පත් කරගෙන ඇති බවත් එයින් තවත් කොටසක් මසකට සැරයක් පමණ මෙම ව්‍යාපාරික ස්ථානයට පැමිණෙන ආතාවුද නම් වූ තවත් අයෙකුට විකිණීම කරන බව අප සමග කතා කළ එහි සේවකයා වැඩිදුරටත් කියා සිටියේය. මෙම ආතාවුද නම් වූ පුද්ගලයා පූජා භාණ්ඩ විකිණීමේ ව්‍යාපාරයක් පවත්වාගෙන යන බව මෙම සේවකයාගේ කතා බහෙන් තවදුරටත් තහවුරු විය. 

මෙවැනි ව්‍යාපාරික ස්ථානවලට රැවටී මුදල් පූජා කරන ඔබ දැනගත යුතු කරුණක් වන්නේ ඔබ විසින් බුද්ධ ශාසනය උදෙසා පූජා කරන ලද මුදල් නිසැකවම බුද්ධ ශාසනයේ අභිවෘද්ධය උදෙසා යොදා ගන්නවාද නැද්ද යන්නය. ඔබට පෙනෙන්නට රිසිට්පතක් ලබා දුන්නද මුදල් නිසියාකාරව ගිණුම්ගත නොකරන බව මතක තබා ගන්න.

• එසේ ගිණුම් ගත කරනවා නම් මෙම භික්ෂුව කෝටි ගණනින් මුදල් පිටරටට යවන්නේ කෙසේද?

• එසේ ගිණුම් ගත කරනවා නම් කෝටි ගණනින් මුදල් ඥාතීන්ට ලබා දෙන්නේ කෙසේද?  

• පසුගිය දිනෙක මෙම භික්ෂුව හෝමාගම උසාවියට පැමිණෙන්නේ කෝටි තුනකට ආසන්න මුදලක් ව්‍යාපාරයකට යොදවා එම ව්‍යාපාරිකයා ඔහුට මෙම මුදල් නැවත නොගෙවූ බවට කරන  ලද පැමිණිල්ලක නඩු විභාගයකටය. මේ පිළිබඳව සොයා බැලූ අපට දැනගන්නට දකින්නට ලැබුණේ ඔහුගේම මුහුණු පොතේ මේ පිළිබඳව තබා තිබූ සටහනකින්ය. මීට අදාළ ලංකා නම් වූ අනෙක් පාර්ශවය ද ඔහුගේ මුහුණු පොතේ මේ පිළිබඳව සටහනක් තබා තිබුණි. කෙසේ වෙතත් උක්ත කරුණු දෙස බලද්දී මෙම භික්ෂුව චීවරයට මුවාවෙන් මිනිසුන් බුදු සසුන වෙනුවෙන් පූජා කරන මුදල්, සූක්ෂම ලෙස අව භාවිතා කරන බව තාහුරුවේ.

මෙම ලැබෙන මුදල් නිසියාකාරව ගිණුම්ගත වෙනවා නම් මෙම භික්ෂුව විසින් නිර්මාණය කරන්නට සැලසුම් කරන ගොඩනැගිලි ප්‍රතිමා චෛත්‍යය ආදිය ඇස්තමේන්තු ගතකර ඒවා ප්‍රරසිද්ධ කළ යුතු නොවේද?. නමුත් මේම භික්‍ෂුව විසින් සිදු කරන්නේ පන්සලත් ප්‍රතිමාවත් චෛත්‍යයත් ඖෂධ පූජාවත් ගිලං භික්ෂූන් වහන්සෙලාත් පෙන්වමින් මෙවා හිඟන්නාගේ තුවාලය කරගෙන මිනිසුන් රවටා මුදල් ඉපයීමයි. එම උපයන මුදල් ගිණුම් ගත නොකර තමා සන්තකයේ තබාගෙන තමාගේ හිතුමතේට අවභාවිතා කිරීමයි.

ව්‍යාපාර විසා වලින් ව්‍යාපාර පන්තියේ ගුවන් ගමන් යමින් මිනිසුන්ගේ මුදල් අවභාවිතා කරමින් මිනිස්සුන්ට අත්හරින්න කියා බණ කියමින් මෙම භික්ෂුව අර්ථවත් ජීවිතයක් ගත කරන හැටි.

බුදුපියාණන් වහන්සේ අංගුලිමාල,ආලවක, නාලාගිරි දමනය කරද්දී මෙම භික්ෂුව විසින් කිඹුලෙකු දමනය කරන අයුරු.

පසුගිය කාලයේදී මත්ද්‍රව්‍ය සමඟ අත්අඩංගුවට ගනේ කන්දේ චන්ද්‍රරතන හිමියන් සමඟ ජීවිතයේ නිදහස අත්විඳිමින් සිටින අයුරු.

ලංකාවේදී කිරි එළදෙනුන් නිදහස් කරන්නට මිනිසුන්ට කියමින් ඔස්ට්‍රේලියාවේ බණ පටිගත කරන මැදිරිය ඉදිරිපිට හරක් මස් බුදින හැටි.

අපගේ මනසට නැගුණු ප්‍රශ්නය නම් මිනිසුන් බුදු සසුන උදෙසා පූජා කරන මුදල් තමාගේ පුද්ගලික ගිණුම්වල කෝටි ගණනින් තැන්පත් කරගෙන සිටින සහ එම මුදල් සූක්ෂම ලෙස ඥාතීන්ට බෙදා දීමට කටයුතු කරන, පිටරට සිටින කාන්තාවන් ගේ නම් වලින් දේපළ ගැනීමට කටයුතු කරන මෙම ව්‍යාපාර භික්ෂුව ශ්‍රී ලංකාවේ සිටින අහිංසක මිනිසුන් රවටා එම මිනිසුන්ගේ මුදල් සූරාකමින් පෞද්ගලික සුඛ විහරණය වෙනුවෙන් දුස්සීල ජීවිතයක් ගත කිරීම පාපයක් නොවේද?

මිනිසුන් බුදු සසුනට පූජා කරන ඉඩකඩම් ළඟ තබාගෙන කාලෙකට පස්සේ වැඩි මුදලට විකුණුවාද?

ඔව් අපට ලැබිලා තියෙන තොරතුරු වලට අනුව මිනිස්සු බුදු සසුන වෙනුවෙන් පූජා කරන්නට යෙදෙන ගේදොර ඉඩකඩම් තමන්ගේ නිකායේ නමට හෝ බුද්ධ ශාසන කටයුතු අමාත්‍යාංශයේ නමට හෝ නොගෙන තමාගේ පෞද්ගලික නමට අඩු වටිනාකමක්  යටතේ ලියවාගෙන පසුකාලීනව එම ඉඩකඩම් වැඩි මුදලට විකුණා එයින් ලැබෙන මුදල් තමාගේ පෞද්ගලික පරිහරණයට ගෙන තිබෙනවා. .

විනය පිටකයට අනුව බෞද්ධ භික්ෂුවකට මුදල් පරිහරණය තහනම් කර ඇති අතර  ව්‍යාපාර කිරීම, තමා වෙනුවෙන් වෙන අයකු ලවා ව්‍යාපාර කරවීම, තමාගේ පෞද්ගලික සැපය වෙනුවෙන් යමක් බලාපොරොත්තුවෙන් ධර්මය දේශනා කිරීම වැනි කරුණු බුද්ධ විනයට පටහැනි වුවද මෙම භික්ෂුව බෞද්ධ විනය පවා නොතකා තමා වාණිජකරණයෙහි යෙදෙන අතර තමා වෙනුවෙන් අන් අයව ඒ සඳහා යෙදවීමද කරමින් පවතිනවා..

තව විශේෂ කරුණක් වන්නේ සුඛෝපභෝගී වාහනවලට ආසා කරන මෙම භික්ෂුව මිනිසුන් පූජා කරන ලද මුදල් යොදවා අධි සුඛෝපභෝගී වාහන මිලට ගෙන එම වාහන ටික කලක් භාවිතා කර  වැඩි මිලට විකිණීමය.  නමුත් මිනිසුන්ට දැනුවත් කරන්නේ මෙම වාහන දායකයන් විසින් පූජා කළ බවය. කලින් කලට සුඛෝපභෝගී වාහන කොපමණ භාවිතා කළාද යන්න මෙම භික්ෂුව ළඟින් සිටින අය සහ කාර්ය්‍ය මණ්ඩලයේ සේවකයන් දනී.

තවදුරටත් අවශ්‍ය නම් මෝටර් රථ ලියාපදිංචි ආයතනයෙන් තොරතුරු දැන ගැනීමේ පනත යටතේ මෙම භික්ෂුවගේ නමින් ලියාපදිංචි කරන ලද වාහන කොපමණ ඇද්ද යන්න තොරතුරු ලබාගැනීමට හැකිය.  සූක්ෂම වූ ව්‍යාපාරික ඥානයක් ඇති මෙම භික්ෂුව මිනිසුන් විසින් මුදල් වශයෙන් බුදු සසුනේ අභිවෘද්ධිය උදෙසා පූජා කරන ලද මුදලින් ඇතැම් සුඛෝපභෝගී වාහන තමාගේ හිතවතුන්ගේ නම් වලින් මිලදී ගන්නේ මොහුගේ ව්‍යාපාරය ලෝකයෙන් සැඟවීමටය. තවද මෙම භික්ෂුව ඔස්ට්‍රේලියාවට යාමට පෙර භාවිතා කළ range rover වර්ගයේ සුදු පෑති වාහනය ලංකාවේ මුදලින් රුපියල් දෙකෝටි අනූ ලක්ෂයක් පමණ වේ. ඕස්ට්‍රේලියාවට යාමට පෙර මෙම මෝටර් රථය  විකුණා ඒ ලබාගත් මුදල්ද ඕස්ට්‍රේලියාවේ මෙල්බන් සිටින කාන්තාවකගේ නමින් ඇති බැංකු ගිණුමකට බැර කර ඇති බවද අපට දැනගන්නට ලැබිණ.

ක්‍රියාකාරී සමාජ ක්‍රියාකාරිකයකු ද මෙම භික්‍ෂුව පිළිබඳව සටහන් කළ වීඩියෝවක් පහතින් ඔබට දැක ගත හැකිය.

මිටි ඩ්‍රයිවර් සහ තේ වතු කතාව ඇත්තක්ද?

ඔව්, මෙහි පහතින් දැක්වෙන්නේ තේ වතු හිමිකරුවන් වෙත තේ කර්මාන්ත ශාලාවෙන් ලබා දෙන තේ මිලදී ගැනීම් සහ ඊට අදාළ මුදල් ගෙවීම් පිළිබඳව සටහන් කරන පොතෙහි පිටු දෙකකි. සියලු පොත් සහ පිටු මෙහි සඳහන් කළ නොහැකි නිසා ඊට අදාළ, අත්‍යවශ්‍ය පිටු සහ පොතෙහි පිට කවරයෙහි පින්තූර සටහන් කළෙමු. මිනිසුන් බුද්ධ ශාසනය වෙනුවෙන් පූජා කරන මුදල් අවභාවිතා කරන බවත් මෙම භික්ෂුව ව්‍යාපාරික භික්‍ෂුවක් යන බවට මෙයද ප්‍රමාණවත් සාක්ෂියකි.

මිනිසුන් අතර කතාබහට ලක්වෙන තොරතුරුවලට අනුව මෙන්ම පසුගිය කාලයේ සමාජ මාධ්‍ය තුළ සැරි සරු සහ අපට ලැබී ඇති තොරතුරු වලට අනුව මෙම භික්ෂුව තමාගේ සියලුම හොර රහස් වලට උදව් කරන මිටි රියදුරු ට  ඔහුගේ සතුට වෙනුවෙන් ඔහු ජීවත්වන ගම්පළාතෙන් මිනිසුන් බුද්ධ ශාසනය වෙනුවෙන් පූජා කරන ලද මුදල් ලක්ෂ ගණනක් වියදම් කොට තේ අක්කර පනහක් පමණ මිටි ඩ්‍රයිවර් සහා ඔහුගේ සහෝදරයාගේ නම් වලට මිලදී ගෙන තිබෙන බව අපට දැනගන්නට ලැබී ඇති තොරතුරු අතර වේ. මිනිසුන් විසින් පූජා කරන ලද මුදල් මෙලෙස අවභාවිතා කරමින් සිටින ව්‍යාපාරික අදහස් ඇති මෙම භික්ෂුව තමාගේ නමටත් තේ අක්කර ගණනක් මිලදී ගැනීමට අමතක නොකළහ.

කෙසේ වෙතත් මෙම භික්ෂු විසින් බුද්ධ ශාසනයේ අභිවෘද්ධිය උදෙසා කටයුතු කරනවා යන මුවාවෙන් මිනිසුන්ගෙන් මුදල් එකතුකර එම මුදල් අවභාවිතා කරමින් තමාගේ සුඛ විහරණයට යොදාගෙන ඇති බව තහවුරු වෙයි. මෙම භික්ෂුව පිළිබඳව සමාජයේ සහ අවට පන්සල්වලින් දරන ලද මතයන් පිළිබඳව වීඩියෝ සහ හඬ පට සාක්ෂි වශයෙන් අපට ලැබී ඇති අතර ඒවා  ඉදිරියේදී ඊළඟ සටහන්වලින් කොටස් වශයෙන් අප ඔබව දැනුවත් කරමු.

මොහුගේ මෙම ක්‍රියා මාර්ගයන් පිළිබඳව සමාජ මාධ්‍යවල පළ වුණු වීඩියෝවක් පහත.