නව අධ්‍යාපන ප්‍රතිසංස්කරණ යටතේ 2026 වසරේ ජනවාරි මස සිට 5 ශ්‍රේණියේ සිට ඉහළ ශ්‍රේණි සඳහා පාසල් පැවැත්වෙන කාලය පස්වරු 2.00 දක්වා දීර්ඝ කරන බව අධ්‍යාපන, උසස් අධ්‍යාපන හා වෘත්තීය අධ්‍යාපන අමාත්‍යංශයේ ලේකම් නාලක කලුවැව මහතා අද (6) ප්‍රකාශ කළේය. බත්තරමුල්ල අධ්‍යාපන අමාත්‍යාංශයේ පැවති නිල මාධ්‍ය හමුවකදී මේ බව අනාවරණය කළ ඔහු, ලබන ජනවාරි මස සිට 1 සහ 6 ශ්‍රේණිවල දරුවන්ට ‘මොඩියුල’ පාදක කරගත් නව අධ්‍යාපන ප්‍රතිසංස්කරණ ක්‍රියාත්මක වන බව ද පැවසීය.
