ශාසන සම්ප්‍රදායන්ට පටහැනිව සහ විනය විරෝධීව හැසිරෙන භික්ෂූන් වහන්සේලා ශාසනයෙන් නෙරපා හැරීමට හැකිවන පරිදි, විහාර දේවාලගම් ආඥා පනතේ 41 සහ 42 වගන්ති කඩිනමින් සංශෝධනය කරන බව බුද්ධශාසන, ආගමික සහ සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා පවසයි. මල්වතු සහ අස්ගිරි මහනාහිමිවරුන් මහනුවරදී බැහැදැකීමෙන් අනතුරුව මාධ්‍ය වෙත අදහස් දක්වමින් අමාත්‍යවරයා මේ බව සඳහන් කළේය.
