මෙක්සිකෝවේ වඩාත්ම අවශ්ය කර තිබූ අපරාධකරු මෙන්ම බියකරු ජලිස්කෝ නිව් ජෙනරේෂන් (CJNG) මත්ද්රව්ය කල්ලියේ නායකයා වූ 59 හැවිරිදි “එල් මෙන්චෝ” හෙවත් නෙමේසියෝ ඔසෙගුරා සර්වන්ටෙස්, ඔහුව අත්අඩංගුවට ගැනීම සඳහා ක්රියාත්මක කළ විශේෂ හමුදා මෙහෙයුමකදී ජීවිතක්ෂයට පත්ව තිබේ. හිටපු පොලිස් නිලධාරියෙකු ද වන ඔහු, සිය ආධාරකරුවන් සහ හමුදාව අතර ඇති වූ දරුණු ගැටුම්වලින් බරපතල ලෙස තුවාල ලබා ඉරිදා දිනයේ මෙක්සිකෝ නගරය වෙත රැගෙන යමින් සිටියදී මෙලෙස මියගිය බව එරට ආරක්ෂක අමාත්යාංශය තහවුරු කළේය.
