මත්ද්‍රව්‍ය විරෝධී මෙහෙයුමක් නාමයෙන් 30000 ක් සමූහ ඝාතන කළ බවට පිලිපීන හිටපු නායකයාට චෝදනා
පිලිපීනයේ හිටපු ජනාධිපති රොද්‍රිගෝ දුතර්තේට එරෙහිව ජාත්‍යන්තර අපරාධ අධිකරණයේ නීතිඥයින් විසින් මනුෂ්‍යත්වයට එරෙහි අපරාධ චෝදනා තුනක් ගොනු කර තිබේ. දැනටමත් ජාත්‍යන්තර අපරාධ අධිකරණයේ (ICC) රැඳවුම් භාරයේ පසුවන 80 හැවිරිදි වියේ පසුවන මෙම හිටපු නායකයාට එරෙහිව ඇති ප්‍රධාන චෝදනාව වන්නේ, ඔහුගේ පාලන සමයේ ක්‍රියාත්මක වූ “මත්ද්‍රව්‍ය විරෝධී යුද්ධය” නමින් හැඳින්වූ මෙහෙයුම අතරතුර සිදු වූ අවම වශයෙන් මිනීමැරුම් 76 කට සෘජුව සාක්ෂි සහිතව සම්බන්ධ වීමයි.
