නව අධ්යාපන ප්රතිසංස්කරණ ක්රියාවලිය යටතේ හයවැනි ශ්රේණියේ සිසුන් වෙනුවෙන් ජාතික අධ්යාපන ආයතනය විසින් සම්පාදනය කරන ලද ඉංග්රීසි භාෂා මොඩියුලයේ අන්තර්ගත ඇතැම් කරුණු සම්බන්ධයෙන් පසුගිය දින කිහිපය පුරා සමාජයේ දැඩි කතාබහක් නිර්මාණය වී තිබිණි. මෙම ආන්දෝලනාත්මක තත්ත්වය සැලකිල්ලට ගනිමින්, එම මොඩියුලයේ පවතින නුසුදුසු යැයි හඳුනාගත් කොටස් ඉවත් කිරීමටත්, අනතුරුව එම ග්රන්ථ පාසල් දරුවන් අතර බෙදා හැරීමටත් අධ්යාපන අමාත්යාංශය මේ වන විට ප්රතිපත්තිමය තීරණයක් ගෙන තිබේ.
